詠 春 - 小 念 頭

卒之學到七七八八啦，今晚再問問師兄，仲争啲乜嘢，學埋净噃嗰啲，詠春-小念頭成套都學晒啦。
跟住落嚟就要练习吓點样运用，如何對敵，怎么拆招。學咗咁耐，净喺識得OneManShow，

打套路就冇問题，對練就雞手鸭脚，直情好似口同鼻拗，桃那星。

話时話呀，開始練拳之後，先至發覚原耒自己体貭咁差呀。其實一直以耒都冇乜運動，弱啲就梗呀啦，不过誓估唔到差成咁啫。唉，真激氣。不过算了，正所謂迟到好过冇到，迟做好过唔做。而家開始勤力啲，应該仲有可能練到啲腹肌出嚟卦，哈哈。

嘩，家陣一個礼拜三日，又練拳，又紮馬，三月中都唔知够唔够氣玩截拳道。不过截拳道始终喺我心頭好，點都會頂硬上呀啦。总言之千祈要記住，師父教落，拳法要打得好，一定要練到 ：

“ 腰 馬 合 一 ”

“ 呀 咤 .. ......”

蓝 色 星 期 一

挑你卤味，又開工了。晨咁早到咗office，仲俾人润咗吓添。頂你個肺，早到俾人润，迟到俾人窒，
两邊唔討好，咁迟到好过早到囉。

今朝已经觉得唔多妥呀啦，MP3晨咁早香鬼咗，播完一隻歌啫，郁都唔郁吓，激鬼气。
話时話呀，有冇人知邊處有唔駛俾錢，任DownLoad嘅MP3网頁呀？舊时用開嗰两個经巳成為囬憶了。

哎呀，死啦，又到时间吔飯，唉，今日食乜好呢？再咁样落去，唔駛幾耐，一定修炼成仙，哈哈。

班友仔話部戲“茶舞”好鬼渣，一個唔知古仔講乜，一個唔知Ending乜嘢事，。一個仲绝，直頭話DownLoad嚟睇得架啦。嘩，喺真唔喺呀，如果喺真嘅，咁條巴西茂利拍乜春呀？两个影帝喺佢手佢都可以拍舊屎出嚟，都可謂经典囉。

部西班牙片“Pan's Labyrinth”呢，有啲就話好核突，有啲就話好血腥，但喺故事就幾好。呢個年頭，似乎搞鬼好过扮Cool噃。

唉，好惰闷呀，早啲收工，今晚去跳噃Part舞呀！
Hip It Up Mann。

連 绵 夜 雨

正！！又到雨季，早又落，夜又落，差唔多落足廿四個鈡。

今朝凌晨四點半，啲雨落到咟咟聲，吵到唔瞓得咁滯。

不过，唔知點解，硬喺覚得落雨嘅夜晚，零舍温馨。

***********************************

呢排晚晚嚴重失眠，唔到凌晨三四點都瞓唔落，真湿滯。
睇怕都喺要買噃啲新漫画至得，
如果唔喺，漫漫長夜都幾難捱。
有消息話，香港嗰邊，“文化传訊”，會再版七十年代嘅“小魔神”，
喺嘅話咁就正啦。
話时話呀，隔咗咁多年，
唔知嗰衝击有冇九十年代嘅“小魔神-冥泣”咁劲呢？

開 心 就 笑 啦 ！！

個個都笑得咁開心，你/妳估吓喺为乜呀！！

放 工 之 後 !!

放工之後會點？有图為証，咪攤屍咁款囉！！